Ekoturismoa. Nazioarteko turismorako bide berriak Lisa Mastny Colección Cuadernos Worldwatch, 16 Bilbao, Bakeaz, 2003 88 páginas 215 x 140 mm PVP: 6,00 euros (IVA incluido) ISBN: 84-88949-56-1 Temas: Sostenibilidad Referencia: CW16e

Gero eta txikiagoa den gaur egungo mundu honetan, bidaiariek gehiegi leku exotikoak aukeratzen dituzte komertzializatutako turismo leku jendetsuen ordez, eta opor leku horietako asko garapen bidean dauden herrialdeetan daude. Eskaera hori asetzeko, hainbat herrialde -besteak beste, Hegoamerikakoak eta Asiakoak- lehian ari dira kultur eta biologi ekarpenen aberastasunetik etekinak lortzeko.

Gaur egun, turismoa da munduko sektorerik handiena, eta hain beharrezkoak diren diru sarrerak eta enplegua sortzen ditu opor leku askotan. Baina turismoak, zenbait arazo ere ekartzen die ingurumenari, gizarteari eta kulturari. Mendi gailurretako, itsasertzetako edo urrutiko oihanetako kontrolik gabeko turismo garapenak presioa egiten du munduko hainbat ekosistema eta kultura hauskorretan. Eta turismoa garatzeko dauden egitasmoek gutxi batzuen eskuetan pilatzen dituzte irabaziak. Batez beste, garapen bidean dauden herrialdeetan turistek utzitako diru sarrera guztien erdiak ihes egiten du berriro, atzerriko jabeengana itzultzen baita edo inportatutako ondasunak eta eskulana ordaintzeko erabiltzen baita.

Baina opor lekuetara joateko eta dolarrak lortzeko gogo biziak ez du derrigorrez kalterik sortzen. Lisa Mastny idazlearen arabera, gobernu, enpresa, tokiko komunitate eta turista batzuk turismo jarduerak bideratzen ari dira, gizarteari onurak ekarriko diezazkioten eta ingurumenari kalterik egiten ez diezaioten. Politika, arau eta heziketa ekimen sendoagoen beharra ere nabarmendu du -hala nola, turistei sarrerak ordainaraztea eta prestakuntza ematea-, eta ekoturismoak natur guneetako eraginak murrizteko duen zeregina aztertu du. Mastnyk adierazi duenez, turismoa beste norabide batera bideratzean, opor lekuak erakargarri egiten dituzten balioak babesteaz gain, jendeak eta planetak epe luzera izan ditzakeen onurak areagotu egin ditzakegu.

Lisa Mastny Worldwatch Institute-ko ikerlari elkartua dugu, eta ingurumeneko eta garapeneko gai multzo zabala jorratzen du. Worldwatch-en 159. txostenaren egilea da; hau da, Ekoturismoa. Nazioarteko turismorako bide berriak (2001eko abendua), eta ekarpenak egiten ditu Institutuaren urteroko liburuetan (State of the World eta Vital Signs). Worldwatch-eko aldizkarian ere idatzi du, zenbait gairi buruz: ekoturismotik Artikoko ingurumen aldaketara. Lisak nazioarteko harremanei eta ingurumen ikerketari buruzko masterra egin du (Yale-ko unibertsitatean), eta nazioarteko ikerketan lizentziaduna da (Johns Hopkins University).

Sarrera
Turismo globala
Garapenerako indarra?
Turismoak ingurumenean duen eragina
Ekoturismoa: lagun ala etsai?
Turismo jasangarrirantz
Turismotik harantzago: beste sustatzaile batzuk
Eranskina: Turismoko loturak
Oharrak