Hiriaren mugak. Kontrolik gabeko hedapenari aurre egin beharra Molly O'Meara Sheehan Colección Cuadernos Worldwatch, 15 Bilbao, Bakeaz, 2003 88 páginas 215 x 140 mm PVP: 6,00 euros (IVA incluido) ISBN: 84-88949-54-5 Temas: Sostenibilidad; Participación ciudadana Referencia: CW15e

Gaur egun, mundu zabaleko eskualde guztietan aurki ditzakegu kontrolik gabe hedatutako eta autoz betetako hiri eremuak. Istripuek eta kutsadurarekin zerikusia duten gaixotasunek hainbat herritar hiltzen dituzte, eta zirkulazio atzerapenek giza produktibitatea murrizten dute, eta erregai kontsumoa handitu. Une honetan, estatubatuarrek munduko gasolina osoaren %43 kontsumitzen dute, metropoli zabalen inguruan ibiltzeko, neurri handi batean. Klima aldaketari eragiten dioten faktoreen artean, errepide bidezko zirkulazioa da une honetan azkarren hazten ari dena.

Orain dela hamarkada batzuk, Kopenhagek (Danimarka), Portlandek (Oregon estatua) eta Curitibak (Brasil) erabaki zorrotzak hartu zituzten, oinezkoei eta txirrindulariei lehentasuna emateko, eraikin berriak garraiobideen bitartez erraz iristeko moduko eremuetara eramateko, eta naturarentzako eta jendearentzako berdeguneak babesteko. Egun, hiri horietako ekonomiak aurrera doaz, eta bertako haurrak kale seguruagoetan barrena ibiltzen dira, aire garbiagoa arnastuz. Esperientzia horiek erakusten digutenez, beste hainbat tokitan ere irabazteko asko dago; horretarako, baina, gobernu agentzietan eragin beharra dago, garraioari eta lur erabilerari buruzko erabakiak lotzeko eta hedapena sustatzeko pizgarriak kentzeko politikak abian jar ditzaten.

Worldwatch Institutuko lan honetan Molly Sheehan egileak aditzera ematen digunez, mundu zabaleko herritarrak eta tokiko agintariak prozesu politikoan eragiten ari dira, eremu publiko erakargarriak eta garraio aukera hobeak eskatzeko. Patricio Lanfranco Txileko Santiagoko kaleetako auto kopurua txikitzeko ahaleginetan ari da; hark dioenez, "zirkulazioa arazo handia genuela ohartu ginen. Baina arazoak testuinguru zabalagoa behar du: zer-nolako hiria nahi dugu? Zer nolako bizi kalitatea nahi dugu?".

Molly O'Meara Sheehan Worldwatch Institute-ko ikerlaria da, eta hiriek eta informazio teknologiak ingurumen arazoak konpontzeko betetzen duten zeregina aztertzen du. Institutuak urtero kaleratzen dituen State of the World eta Vital Signs liburuetan idazten du, bai eta World Watch bihilabetekarian ere. Molly-k ingurumen zientziei buruzko masterra egin du, Johns Hopkins University-n; eta biologian eta asiar ikasketetan lizentziaduna da, Williams College-tik.

Sarrera
Motordun ibilgailuek hiriak inbaditu dituzte
Kontrolik gabeko hedapenaren kostuak
Hedapenaren aurretik bizigarritasuna jarri duten hiru hiri
Garraioaren eta lur erabileraren inguruko politikak lotuz
Kontrolik gabeko hedapena sustatzeko pizgarriak ezabatuz
Gobernu erakundeak berregituratuz
Aldatzeko egoera sortuz
Eranskina: Talde hauek hiri bizigarrietarako garraio aukerak sustatzen dituzte
Oharrak