Discriminación de xénero. Un obstáculo para un desenvolvimento sostíbel Jodi L. Jacobson Colección Cuadernos Worldwatch, 2 Bilbao, Bakeaz, 1994 72 páginas 215 x 140 mm PVP: 5,41 euros (IVA incluido) ISBN: 84-88949-01-4 Temas: Cultura de paz; Cooperación; Sostenibilidad Referencia: CW02

A finais do século XX, uns 3.000 millóns de persoas viven en economias de subsisténcia no Terceiro Mundo, e ven-se obrigadas a depender do contorno que os rodea para obter todo o combustíbel, auga e alimentos posíbeis para satisfacer as suas necesidades básicas. Nun pasado non tan distante, moitas destas xociedades representaban modelos de vida ecolóxicamente sostíbeis, conseguindo un equilíbrio entre habitantes e recursos. Na medida en que as circunstáncias nas que se atopan se fan cada vez máis precárias, a presión que exercen sobre o seu contorno natural é cada vez maior. Nunha época na que o termo desenvolvimento sostíbel se convertiu nun lema mundial, grande parte das axéncias internacionais de desenvolvimento e dos diferentes governos parecen non ser conscientes deste dilema.

A razón é moi simple: en toda economia de subsisténcia, a muller realiza a parte máis dura do traballo. Traballa máis horas e aporta máis ingresos á família que os homes; sen embargo, son consideradas improdutivas. Asi pois, infravalora-se unha enorme proporción da produción real mundial e non se recoñece a enorme aportación da muller en pro do ben-estar familiar e das diferentes nacións.

A discriminación de xénero é a principal causa de pobreza, é un enorme obstáculo no camiño dunha economia sostíbel e é tamén a principal causa do rápido crecimento demográfico no Terceiro Mundo. O feito de ignorar este problema non é só moralmente insostíbel; é, a longo prazo, autodestrutor. Até que non se faga fronte á discriminación de xénero non será posíbel lograr un desenvolvimento sostíbel.

Jodi L. Jacobson é investigadora titular do Worldwatch Institute. É ademais autora de vários Worldwatch Papers, coautora desde 1987 dos informes State of the World e redactora da revista World Watch. Dentro dos seus intereses no campo da investigación incluen-se a relación entre demografia e meio ambiente, saúde reprodutiva e planificación familiar, ávez que entre muller e desenvolvimento. Jacobson é licenciada en ciéncias económicas e do meio ambiente pola Universidade de Wisconsin-Madison.

Índice

Introdución
As dimensións da discriminación de xénero
Subsisténcia a partir das terras comunais
Cultivo comercial vs. seguridade alimentária
Quen administra o bosque?
A pobreza da muller e a trampa demográfica
Un novo marco para o desenvolvimento
Notas