THE EXHIBITION TITANIC
The Exhibición Titanic
fou creyada pur Titanic Centenary 2012. Y nel sou repertoriu na esposición cuenta cun vidios, maquetas, oxetos,
semeyas y
cumu non la meyor información.
Durante la esposición chevarás un cassete que te
va giandu pur tola esposición y que te esplica lu que tas viendu en ca intre. Asina
presta.
Cuandu entras na esposición, fácente
sumerxite nun mundiu sumarinu, pa metete nel ambiente. ¿Quei quier dicir
estu?. Bien ,dante pal tou viax un cassete nel cualu amás de sentire tolas
esplicaciones oportunas chevas una musiquina determinada pal intre.
Está
mui bien planeada, purque a desemeya d'outras narraciones, n'esti casu entama dende'l principiu, pulu tantu lu que vas a oservare
nel entamu
son unas semeyas sinificativas de la hestoria del nuesu buque. Y selemente esplicarante purqué son importantes esos personaxes ou
llugares, tou ta nidiamente esplicáu y nun tendrás problema nengunu pa situate
na hestoria y
sigire fielmente los acontecimientos.
La esposición dura aprosimadamente 40
minutos, nos cualos nun deixas de suañare nun mundiu y una dómina desemeyada a la
autual. Cunas suas maquetas puedes facete una idega nidia de cumu yera'l tare
dientru d'esi gran buque. Ente las suas réplicas cuentan: El pasiellu 1ª clas, el
ancla, el sou estáu autual, el sou estáu orixinal, etc. Nel pasiellu 1ª clas podrás sacate
dalguna semeya la cual nun futuru podrás gueyala ya imaxinate que
tas nel propiu Titanic. Puedes parare la cinta y contemplare cun más
detenimientu tou aqueillu que t' interese éspecialmente, tou ta al alcance
de la manu.
Eillí onde escala esta esposición, organiza un concursu de
dibuxos del barcu. De feicho los dibuxos pueden vese nel departamentu de venta
d'oxetos y etc. Los dibuxos son realizaos pur neños y braeiramente ye guapu vere cumu los neños ven
l'hundimientu, hai que recordare que sedrán eillos
quien continuen el nuesu llabor.
Amás de los oxetos reproducios durante la
esposición, cumu puede ser el pasiellu, hélice, etc. Hai oxetos que podrás chevate al
tou hogar pur unas pouquinas perras. Pur exemplu la vaxilla del Titanic,
prendedores, banderines, camisetas, gorras, polos, y un llargu etc. Puedes
chevate semeyas de la gran escalinata, ou del buque, peru nuna semeya
de gran calidá ou inclusu pegadiellas. Tou eillu pa que tú puedas chevate
un recuerdu del tou pasu pula hestoria del Titanic.
En ca llugar que
reposa esta esposición, atópaste cun daqué nuevu. Oxetos que fueron
añadidos solu pal tou deleite y aprendizax. Las semeyas de los pasaxeiros,
las replicas, los documentos, etc. Tou eillo sofítate a sumerxite más a fondu y
cun más rïalismu a la hestoria que se te presenta. Hai que recordare que tienen
una de las maquetas más detalladas del mundiu del Titanic y que tú puedas vela
de cerca y en direutu, es tou un honor.
Tou ta cuidadosamente colocáu,
sigiendu un orden d'acuerdu cuna grabación que vas escuitandu.
Hai que
recordar a todas aqueillas presonas qu'hai detrás, tou esi presonal que fae
posible que podamos disfrutare d'esta maraviella. Dende'l presidente de la
organización que lu organiza, ata'l taquilleiru, son presonas qu'hai que
tener en cuenta a la hora d'agradecere tol esfuerzu que realizan pa
nos (hai que recordare qu'esta esposición ye ensín ánimu de lucru)
Dende
fritanic.net deseyaríamos que tuvierais en cuenta tol esfuerzu que realizan
estas presonas y pur respetu a eillas nun descoloquemos nin estropeemos los
oxetos, replicas y etc. Se taría estrozandu el sou trabayu diariu nel cual
ponen tantu amor.
De la sua parte díguyes GRACIAS FONDEIRAS
DENDE ENTAMU D'AÑU OTÓPASE NEL SOU EMPLAZAMIENTU AUTUAL EN TARRAGONA CUN GRANDES SORPRESAS Y NOVEDADES, PA MÁS INFORMACIÓN VISITARE LA SUA WEB (pincha la imaxen)
